Öflugur varnarleikur Tindastóls. Þrátt fyrir að Stjarnan sótti oftar og var meira með boltann þá náði agaður varnarleikur hjá Stólunum að halda heimakonum fjærri því að skapa hættulegar marktilraunir.

Fyrsta mark Rhodes. Það var ákveðin heppnisstimpill yfir markinu þar sem boltinn skoppaði í gegnum klof Mcleod og kom einnig gegn gangi leiksins. Erfiður dagur varð vondur fyrir Stjörnuna eftir fyrsta markið.

Sigur gestanna þýðir að þær jafna Stjörnunna bæði af stigum og markahlutfalli í sjötta og sjöunda sæti Bestu-deildarinnar.

Anna María Baldursdóttir, fyrirliði Stjörnunnar, átti vondan dag en ekki fyrir frammistöðu hennar inn á vellinum sem var nokkuð góð, heldur vegna þess að hún varð fyrir slæmu höggi og fór blóðug á sjúkrabörum af leikvellinum og beint upp í sjúkrabíl.

Guðni var ekki mikið fyrir að flauta en það voru nokkur brot hjá báðum liðum sem hefði mátt grípa inn í.