Byrjunarliðin eru klár! Breiðablik gerir eina breytingu á sínum hóp frá síðasta leik. Arnór Gauti Jónsson kemur inn fyrir Alexander Helga Sigurðarson.

Valsmenn gera þá þrjár breytingar en inn í lið þeirra koma Bjarni Mark Antonsson, Aron Jóhannsson og Adam Ægir Pálsson fyrir þá Elfar Freyr Helgason, Kristinn Freyr Sigurðsson og Tryggva Hrafn Haraldsson.

Spákona umferðarinnar spáir jafntefli Landsliðskonan Sandra María Jessen hefur raðað inn mörkum fyrir Þór/KA í byrjun Bestu deildar kvenna. Hún spáir í leikina í Bestu deild karla.

Breiðablik 2-2 Valur
Stærsti leikur umferðarinnar, þetta verður stál í stál fyrir framan fulla stúku á Kópavogsvelli. Breiðablik eru alltaf sterkir á heimavelli og skora nánast undantekningar laust alltaf mörk þegar þeir spila á teppinu sínu og það verður engin breyting á því gegn í þessum leik. Valur hafa verið í smá brekku í upphafi móts og er eiginlega hálf ótrúlegt að hugsa til þess að þetta lið hafi einungis skorað 3 mörk í fyrstu 4 leikjunum. Held að þeir mæti nokkuð passívir í þennan leik og reyna að særa Blikana með föstum leikatriðum frá Gylfa og hraðanum í Adami Páls sem fær tækifæri í byrjunarliðinu. Verðum við ekki bara létt á því og spáum 2-2 jafntefli. Damir og Jason Daði skora fyrir Breiðablik en þeir Gylfi og Patrick Pedersen sjá um markaskorun hjá gestunum.

Dómarateymið Erlendur Eiríksson heldur utan um flautuna hérna í kvöld og honum til aðstoðar verða Ragnar Þór Bender og Bryngeir Valdimarsson.
Gunnar Oddur Hafliðason er varadómarinn og umsjónarmaður skiltisins.
Viðar Helgason er eftirlitsdómari.

Innbyrðis viðureignir í efstu deild Þessi félög hafa mæst 76 sinnum í efstu deild. Það er þokkalegasta jafnræði með liðunum þó Valsmenn rétt hafa fleirri sigra.

Breiðablik hefur 29 sinnum (38%) hrósað sigri gegn Val.
Valur hefur 31 sinni (41%) haft betur gegn Blikum.
Liðin hafa 16 sinnum (21%) skilið jöfn.

Markatala liðana í þessum einvígjum er Breiðablik 113-119 Valur.

Á síðustu leiktíð

Þessi lið mættust þrívegis á síðustu leiktíð.
Valur 0-2 Breiðablik (16.04.23)
Breiðablik 1-0 Valur (25.05.23)
Valur 4-2 (28.09.23)

Breiðablik Breiðablik hefur farið þokkalega af stað í sumar þrátt fyrir einhverjar gagnrýnisraddir í upphafi móts. Margir vilja afskrá þá úr allri baráttu um titil en þeir hafa sótt sterka sigra gegn FH og KR í upphafi móts.

Blikarnir hafa unnið alla sína leiki í deildinni til þessa nema einn en þeir hafa bara tapað fyrir Víkingum á útivelli til þessa. Sótt góða sigra gegn FH, Vestra og gegn KR í síðustu umferð.

Breiðablik hefur skorað næst flest mörk í deildinni eftir fjórar umferðir eða tíu mörk talsins. Mörkin hafa raðast niður á:

Jason Daði Svanþórsson - 2 Mörk
Viktor Örn Margeirsson - 1 Mark
Viktor Karl Einarsson - 1 Mark
Kristófer Ingi Kristinsson - 1 Mark
Kristinn Steindórsson - 1 Mark
Höskuldur Gunnlaugson - 1 Mark
Dagur Örn Fjelsted - 1 Mark
Benjamin Stokke - 1 Mark

Valur Valur hefur ekki farið eins stekrt af stað og þeir vildu. Það var miklu tjaldað til á Hlíðarenda fyrir þetta tímabil en úrslitin hafa ekki verið að detta með þeim í upphafi móts. Blessunarlega fyrir Val þá er samt nóg eftir og algjör óþarfi að fara detta í eitthvað panic alveg strax.

Eftir sigur Vals í fyrstu umferð hafa tvö jafntefli og tap fylgt á eftir. Í síðustu umferð þá voru það Fram sem náðu inn jöfnunarmarki á lokamínútum leiksins í leik sem endaði 1-1.

Valur hefur ekki skorað mikið í upphafi móts og hafa bara skorað þrjú mörk í fyrstu fjórum leikjum sínum í deild.
Patrick Pedersen er búin að skora tvö mörk og Gylfi Þór Sigurðsson eitt mark.

   05.05.2024 10:00

Pressa á Arnari sem verður að vinna uppeldisfélagið - „Getur ekki verið þægileg staða“

Lokaleikur umferðarinnar Leikur Breiðabliks og Vals er lokaleikur fimmtu umferðar og hefur umferðin vægast sagt verið áhugaverð með óvæntum úrslitum:

FH 3-2 Vestri
KA 1-1 KR
Stjarnan 4-1 ÍA
Fram 2-1 Fylkir
HK 3-1 Víkingur

Eftir fjórar umferðir Þegar fjórar umferðir eru búnar hafa nokkur áhugaverð úrslit litið dagsins ljós og staðan í töflunni fyrir þessa fimmtu umferð kannski ekki alveg eins og flestir sáu fyrir.

Þegar það voru fjórar umferðir búnar leit staðan svona út:

1.Víkingur R. - 12 stig
2.Breiðablik - 9 stig
3.FH - 9 stig
4.Fram - 7 stig
5.ÍA - 6 stig
6.KR - 6 stig
7.Stjarnan - 6 stig
8.Vestri - 6 stig
9.Valur - 5 stig
10.KA - 1 stig
11.Fylkir - 1 stig
12.HK - 1 stig

Velkomin til leiks! Verið hjartanlega velkomin í þessa þráðbeinu textalýsingu frá Kópavogsvelli þar sem Breiðablik taka á móti Val í 5.umferð Bestu deildar karla.