Gæði Valsara fram á við. Afturelding spilaði mjög vel í dag en þeir náður ekki að nýta færin sín á meðan Valur sem hefur oft spilað betur nýtti sín.

Átti Hólmar að fá rautt? Nei sagði dómarinn en Hólmar felldi Elmar Kára þegar hann var að sleppa í gegn. Hólmar var þá síðasti varnarmaðurinn en slapp líkast til bara með gult spjald þar sem það var ekki víst hvort Elmar hefði verið fyrstur í boltan eða markvörðurinn.

Valsarar eru komnir áfram í 8-liða úrslit á meðan Afturelding lýkur keppni hér.

Færanýting Aftureldingar. Heimamenn voru ýtrekað að komast í góðar stöður eða að skapa færi en það tókst mjög illa að koma boltanum í netið. Arnór Gauti Ragnarsson er á meiðslalistanum hjá Aftureldingu en hann er framherji sem kann að skora mörk. Þeir þurfa virkilega á honum að halda í sínu besta markaskorunar formi þegar hann kemur til baka.

Elías Ingi og hans teymi leyfðu töluverða hörku í þessum leik, og voru ekki að flauta eða spjalda of mikið. Það er spurning hvort Hólmar hefði átt að fá rautt, en ég heyrði tal milli þjálfarana eftir leik þar sem þeir virtust sammála um það að maður hefur séð gefið rautt á þetta. En miðað við línuna sem var sett í leiknum var Elías samkvæmur sjálfum sér í þessu. Ég ætla bara að vera nokkuð sammála því.