Samkvæmt frétt Telegraph hefur Newcastle verið í viðræðum við Arsenal um kaup á Ramsdale.

Talið var að Newcastle væri nálægt því að ná 15 milljóna punda samkomulagi um markvörðinn og aðeins formsatriði að hann myndi ganga í raðir félagsins.

Ramsdale, sem hefur þurft að sitja mikið á bekknum hjá Arsenal á þessu tímabili, kannast ekkert við þessar fréttir.

„Þetta eru fréttir fyrir mér,“ sagði Ramsdale á X.

David Raya kom til Arsenal á láni frá Brentford á síðasta ári en hann hefur verið fastamaður í markinu. Arsenal hefur þegar náð samkomulagi um að kaupa Raya í sumar og því ljóst að Ramsdale þarf að fara annað ef hann vill fá meiri spiltíma.