Fram hefur samkvæmt heimildum Fótbolta.net haldið áfram tilraunum sínum í að fá Harald Einar Ásgrímsson í sínar raðir. Fram bauð í Harald fyrr í vetur en FH hafnaði tilboðinu.
Haraldur er leikmaður FH en hann gekk í raðir félagsins frá Fram fyrir tímabilið 2022. Vinstri bakvörðurinn lék með Fram, Álftanesi og Haukum í yngri flokkunum en hefur lengst af á sínum ferli verið hjá Fram.
Haraldur er leikmaður FH en hann gekk í raðir félagsins frá Fram fyrir tímabilið 2022. Vinstri bakvörðurinn lék með Fram, Álftanesi og Haukum í yngri flokkunum en hefur lengst af á sínum ferli verið hjá Fram.
Haraldur er 23 ára og hefur hann komið inn á sem varamaður í fyrstu þremur leikjunum í Bestu deildinni og samtals eru mínúturnar ekki margar. Á síðasta tímabili kom hann við sögu í 24 af 27 leikjum FH í Bestu deildinni. Samningur hans við FH rennur út eftir tímabilið.
Böðvar Böðvarsson er fyrsti kostur FH í bakvarðarstöðuna og FH er einnig með þann möguleika að geta nýtt Ólaf Guðmundsson í bakverðinum.
Framarar hafa spilað með vængbakverði í upphafi móts og hefur Már Ægisson verið í vinstri vængbakverðinum.
Félagaskiptaglugginn lokar á miðvikudagskvöldið.
Besta-deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Víkingur R. | 6 | 5 | 0 | 1 | 14 - 6 | +8 | 15 |
2. Breiðablik | 6 | 4 | 0 | 2 | 15 - 9 | +6 | 12 |
3. FH | 6 | 4 | 0 | 2 | 10 - 9 | +1 | 12 |
4. Valur | 6 | 3 | 2 | 1 | 9 - 5 | +4 | 11 |
5. Fram | 6 | 3 | 2 | 1 | 7 - 4 | +3 | 11 |
6. Stjarnan | 6 | 3 | 1 | 2 | 8 - 7 | +1 | 10 |
7. ÍA | 6 | 3 | 0 | 3 | 14 - 9 | +5 | 9 |
8. KR | 6 | 2 | 1 | 3 | 11 - 11 | 0 | 7 |
9. HK | 6 | 2 | 1 | 3 | 6 - 10 | -4 | 7 |
10. Vestri | 6 | 2 | 0 | 4 | 4 - 12 | -8 | 6 |
11. KA | 6 | 0 | 2 | 4 | 7 - 13 | -6 | 2 |
12. Fylkir | 6 | 0 | 1 | 5 | 5 - 15 | -10 | 1 |
Athugasemdir