Adam er sem stendur varamarkvörður Gautaborgar og hefur ekki fengið kallið í liðið þrátt fyrir mikið meiðslavesen. Hann á alls að baki tólf keppnisleiki með Gautaborg.

Gautaborg hefur neitað nokkrum tilboðum í Adam. Á meðal félaga sem hafa reynt við Adam er danska félagið AB sem Ágúst Eðvald Hlynsson spilar með.

Adam er 21 árs og hefur verið hjá Gautaborg síðan 2019. Hann er uppalinn hjá FH og HK en hélt til Svíþjóðar árið 2019. Hann á að baki tíu leiki fyrir yngri landsliðin og þar af eru sex fyrir U21.