Lestu um leikinn: Fylkir 4 -  2 Keflavík

Regina var ekki komin með leikheimild gegn Fylki en gæti spilað næsta leik. Hún er 25 ára varnarmaður og hefur verið á mála hjá IF Flöya í Noregi.

„Regina er leikmaður sem við höfum verið að fylgjast með lengi og vonandi mun það ganga upp," sagði Glenn.

Keflavík endurheimti á dögunum Caroline Slambrouck en hún hafði lagt skóna á hilluna eftir síðasta tímabil. Hún sneri aftur gegn Fylki og skoraði annað af mörkum Keflavíkur.

„Ég talaði við hana á dögunum og ég er mjög glaður að hafa hana. Hún er leikmaður með mikla reynslu og mun hjálpa okkur í sumar. Það var aldrei spurning að fá hana inn þegar það var í boði," sagði þjálfarinn.

Keflavík er án stiga eftir fyrstu þrjá leikina. Næsti leikur liðsins er gegn Val á miðvikudag.