KR-ingar gátu ekki beðið um betri byrjun í 2. deild kvenna í dag en liðið vann öruggan 4-0 sigur á Vestra á KR-vellinum.

Hin bandaríska Alice Elizabeth Walker samdi við KR-inga um miðjan síðasta mánuð og á hún eftir að reynast liðinu vel en hún skoraði þrennu í fyrsta deildarleik sínum.

Hún kom KR á bragðið á 18. mínútu áður en Ólöf Freyja Þorvaldsdóttir bætti við öðru sjö mínútum síðar.

Walker skoraði annað mark sitt á 26. mínútu og gerði síðan út um leikinn á 57. mínútu. Þrennan fullkomnuð.

Glæsileg byrjun hjá KR sem er nýliði í deildinni eftir að hafa fallið úr Lengjudeildinni á síðasta ári.