Í september vann Sassuolo 2-1 sigur á Inter á Giuseppe Meazza-leikvanginum.

Síðan þá hafði Inter ekki tapað leik eða alveg fram að leik liðanna í kvöld.

Armand Lauriente skoraði eina mark leiksins á með góðu skoti upp í þaknetið eftir undirbúning Josh Doig.

Inter kom boltanum í netið undir lok hálfleiksins er Lautaro Martínez stýrði fyrirgjöf Carlos Augusto í netið. Argentínski framherjinn var rétt fyrir innan þegar fyrirgjöfin kom og markið dæmt af.

Gestirnir náðu ekki að brjóta Sassuolo á bak aftur og fóru því þrjú mikilvæg stig til heimamanna. Sassuolo er í næst neðsta sæti með 29 stig eftir 35 leiki og heldur í vonina um að geta bjargað sér frá falli.

Lazio missteig sig í baráttu sinni um Meistaradeildarsæti með því að gera 2-2 jafntefli við Monza. Ciro Immobile og Matias Vecino skoruðu báðir fyrir Lazio en Bosníumaðurinn Milan Djuric jafnaði í tvígang.

Lazio er þremur stigum frá Meistaradeildarsæti þegar liðið á þrjá leiki eftir.

Monza 2 - 2 Lazio
0-1 Ciro Immobile ('11 )
1-1 Milan Djuric ('75 )
1-2 Matias Vecino ('83 )
2-2 Milan Djuric ('90 )

Sassuolo 1 - 0 Inter
1-0 Armand Lauriente ('20 )