Andri Rúnar Bjarnason leikmaður Vestra skoraði bæði mörk liðs síns þegar þeir töpuðu 3-2 gegn FH í Kaplakrika í dag.
Lestu um leikinn: FH 3 - 2 Vestri
„Tilfinningin er súr, því mér fannst við vera svona þokkalega með þetta í hálfleik. Það var svona frekar mikið jafnræði og þá kannski svona mesti fótboltinn spilaður. Við vorum einhvernvegin með leikinn eins og við vildum hafa hann en svo bara slökkvum við á okkur í byrjun seinni hálfleiks og eftir það bara vöknuðum við ekkert til lífsins fannst mér."
Vestri kemst yfir í stöðuna 2-1 í uppbótartíma fyrri hálfleiks, en strax eftir 2 mínútur af fyrrir hálfleiknum var FH búið að jafna leikinn. Andri segir að það hafi verið sérstaklega fúlt því þeir vissu um það bil hvað FH ætlaði að gera.
„Það er nefnilega sem er hvað mest pirrandi við þetta. Við töluðum um, orð fyrir orð, og bara 'play by play' það sem að gerðist í jöfnunarmarkinu, að það væri það sem þeir væru að reyna að gera. Það er bara hrikalegt að það hafi síðan bara gerst strax eftir tvær mínútur. Við vissum allir hvað væri að fara gerast en við fáum þetta mark á okkur og það er ekki nógu gott hjá okkur."
Andri fór af velli eftir 60 mínútur en hann segist hafa getað spilað lengur.
„Við vorum óheppnir að við áttum bara eitt skiptingarholl eftir. Við gerðum tvær skiptingar í fyrri hálfleik í sitthvoru hollinu og maður fær bara þrjú. Þannig ef við ætluðum að taka þrjár skiptingar þá þurftum við að taka þær þarna. Þá var ég í fínum málum en ef eitthvað hefði gerst eftir það þá hefðum við ekki átt neina skiptingu eftir þannig þetta var bara skipting sem við þurftum að gera."
Viðtalið má sjá í heild sinni í spilaranum hér fyrir ofan, þar talar Andri nánar um sitt hlutverk í liðinu og stöðu hópsins.