Lestu um leikinn: Breiðablik 3 -  0 FH

„Þetta leit ekki vel út. Það er rosalegt langt síðan hún hefur lent í svona. Hún er hjartasjúklingur en síðustu tvö ár hafa verið góð. Þetta er gríðarlegt bakslag fyrir hana. Hugur okkar allri er hjá henni. Ég vona svo sannarlega að þeir fagaðilar sem eru upp á spítala nái að aðstoða hana núna."

Andrea var með meðvitund þegar hún fór af Kópavogsvelli en henni leið mjög illa.

„Hjartað fer á fullt hjá henni og hún nær því ekki niður. Hún þekkir þetta, þegar það fer á fullt. Hún hefur sínar aðferðir til að ná því niður. Það gekk engan veginn núna og hún stjórnaði engu. Hjartað var á milljón og hún átti mjög erfitt með andardrátt. Þetta var óþægilegt í alla staði."

Við á Fótbolti.net sendum okkar bestu batakveðjur á Andreu Marý eftir þetta óhugnanlega atvik.

Við þurfum að laga þetta
Í viðtalinu hér að ofan ræddi Guðni aðeins líka um leikinn sem var í kvöld. FH gaf klaufaleg mörk en liðið er með þrjú stig eftir fyrstu þrjá leikina.

„Við mættum Blikaliðinu af fullum krafti og komum okkur í góðar stöður. Brooke fékk dauðafæri og Elísa átti stangarskot, en inn vildi boltinn ekki. Við fáum okkur skítamörk í andlitið og það pirrar mig rosalega. Við höfum fengið á okkur skítamörk í síðustu tveimur leikjum. Mörk breyta leikjum," sagði Guðni.

„Við þurfum að laga þetta. Við getum ekki spilað fótboltaleiki og lekið inn einhverjum skítamörkum aftur og aftur."